“Paşinyanın dünənki müsahibəsində qeyd edilməli olan mühüm bir hal var”.

Musavat.com xəbər verir ki, bu barədə Ermənistan parlamentinin deputatı Tiqran Abramyan yazıb.

“Niyə o, Qarabağın təslim olması barədə danışmağa davam edir və öz hərəkətlərinə haqq qazandırmağa çalışır? Nə deməsindən, necə təqdim etməsindən asılı olmayaraq, məsuliyyəti kimin üzərinə qoymağa çalışsa da, bunun qısamüddətli təsiri olacaq.

Paşinyan anlayır ki, belə şeyləri “həzm etmək” mümkün deyil və onun iradəsindən asılı olmayaraq, haqq-hesab anı gələcək. Tarixi redaktə etmək, düzəltmək, silmək sadəcə olaraq mümkün deyil və o, ona xidmət edən insanlar hansı sistemi təmsil etmələrindən asılı olmayaraq, tarixdə torpağı təslim edən kimi qalacaqlar. Məhz buna görədir ki, bütün bunları bilən Paşinyan tarixin mühakiməsindən qaçmağa çalışır, mənasız cəhdlər edərək saxtakarlıq edir, yalan danışır və özünə bəraət qazandırır”, - deyə Abramyan Ermənistan baş nazirinin ünvanına bu cür sərt ifadələr işlədib.

Musavat.com