"6 il ərzində daha yaxşı gün vəd edərək sistemləri və qurumları sındırdılar, amma özləri hələ heç nə qurmayıblar".

Musavat.com xəbər verir ki, bu sözlər Ermənistan parlamentinin müxalif deputatı Tiqran Abramyanın feysbuk sosial şəbəkəsindəki statusunda əks olunub.

"Təhlükəsizlikdən tutmuş xarici siyasət arxitekturasına qədər Ermənistan eksperimentlər və avantüralar yolu ilə gedir, bunun nəticələrini Ermənistanda yaşayan insanlar artıq hiss ediblər: torpaq və insan itkisindən tutmuş ləyaqətin məhvinə qədər.

İndiki şəraitdə hakimiyyət nə təklif edirsə etsin, nə təşəbbüs göstərir göstərsin, vətəndaşlarımız baxımından gözləntilər nəinki sıfırdır, həm də faciənin avtomatik proqnozudur", - deyə Abramyan qeyd edib.

Musavat.com