Avropa Birliyi öz qaz anbarlarını qrafikdən əvvəl doldurub, artıq region qarşıdan gələn qışa hazırdır.

Axar.az xəbər verir ki, bunu AB-nin energetika üzrə komissarı Kadri Simson “Politiko” nəşrinə açıqlamasında deyib.

“Qaz anbarlarının vaxtından əvvəl doldurulması ilə bağlı tələbi yerinə yetirdiyimizin təsdiqlənməsi AB-nin qışa yaxşı hazır olduğunu göstərir və bu, yaxın aylarda bazarları daha da sabitləşdirməyə kömək edəcək”, - Simson bildirib.

Nəşrin məlumatına görə, avqustun 17-də AB ölkələrində yanacaq ehtiyatlarıın həcmi tarixi maksimuma çatıb:

“Lakin energetika sahəsidəki uğurlar Avropada qazın qiymətinin ucuzlaşmasına gətirib çıxarmayıb. Yanacağın qiyməti hələ də müharibədən əvvəlki dövrdən bahadır”.