Qazaxıstan Qərbin sanksiyalarına görə 106 növ malın Rusiyaya ixracını və reixracını qadağan edib.

Musavat.com xəbər verir ki, bu barədə ölkənin ticarət və inteqrasiya nazirinin müavini Kayrat Torebayev jurnalistlərə məlumat verib.

Torebayev qadağanın həm Qazaxıstan, həm də xarici istehsallı mallara aid olduğunu deyib:

"Biz hərbi məqsədlər üçün nəzərdə tutulan malların ixracına məhdudiyyət tətbiq etmişik. Bunlar 106 müxtəlif növdür. Onların ixracı tamamilə məhdudlaşdırılıb".

İxrac məhdudiyyətlərinin tətbiq olunduğu mallar arasında dronların ehtiyat hissələri, xüsusi elektronika, çiplər və digərləri var.

Musavat.com